BIDASOAKO FILME LABURREN NAZIOARTEKO VII. ZINEMALDIA

1.-HELBURUA

Bidasoako filme laburren  Zinemaldiaren helburua da, irudien bitartez, herrialdeen arteko  ezaguera eta  harremanak indartzea edo sustatzea.

2.-ANTOLAKETA ETA LAGUNTZAILEAK.

Zinemaldia Bertizko Turismo Partzuergoak antolatzen du, kide diren udalen  laguntzarekin. Era berean, laguntzen dute: Hendaiako Udala, Nafarroako Gobernuko Kultura eta Turismo departamentua eta Nafarroa eta Aquitaniako Protokoloa. Hainbat enpresa pribatuk ere laguntzen dute.

3.-ATALAK

Lehiaketaren egitarauak ondorengo atalak izanen ditu:

Nazioarteko lehiaketa saila-Beste atalak.

4.-BALDINTZA OROKORRAK

a)Zinemaldian, fikziozko filme laburrek parte har dezakete,  animaziozkoak  barne.

b) Aukeraketa Batzordeak onartutako filme guziek parte hartzeko aukera izango dute.

c) Zuzendari bakoitzak filme bakar bat aurkez dezake; Produktoreek aldiz, nahi adina filme aurkez dezakete.

d) Gaia eta generoa libreak dira, baina helburu publizitarioa duten filmeak ezin dira aurkeztu.

e) Filmeek ondorengo baldintzak bete beharko dituzte:

f) Errealizazio data ezingo da 2003ko urtarrilaren 1a baino lehenagokoa izan. Aurreko urtetan parte hartutako filmeak ez dira lehiaketara onartuko.

g) Filme guziek 35 milimetrotakoak eta kopia estandareko formatukoak izan beharko dute.

h) Filmeek 30 minutuko iraupena izango dute gehienez.

i)Zinemaldiaren Zuzendaritzak gomendatzen du, gaztelera, euskera edo frantsesa ez den beste hizkuntzetako filmeak, hauetako hizkuntza batean azpititulatu daitezen.

j)Lehiaketa sekzioan ematen diren filmeak ez diote Partzuergoari zuzendari edo/eta produktorari dagozkion egile-eskubideak ekarriko.

k)Filme Labur irabazleak Iruñako zinema komertzial batean emanen dira irailaren 30a baino lehen.

5.-IZENA EMATEA

Izena ematen duten filme guziek honako arau hauek bete beharko dituzte:

2003ko maiatzaren 12a baino lehen, Zinemaldiaren idazkaritzari filmearen partehartzea jakinarazi beharko zaio, izen-emate orriak behar bezala betez.

Izena ematearekin batera, filmearen gidoiaren ale bat, bere sinopsia, gutxienez bi argazki, filmeari buruzko informazioa eta  egileari buruzko biografia eta filmografia  bidali beharko dira.

Aurreaukeraketarako, partehartzaileek, filmeen bideo kopiak bidali ahal izango dituzte, VHS sisteman edo DVDn.

6.- GARRAIOA ETA KOPIAK.

Izena eman eta aukeratutako 35 milimetroko kopia guziak, idazkaritzaren eskuetan egon beharko dute 2004ko abuztuaren 13a baino lehen. Irtete data eta garraio sistema jakinarazi beharko da telegrama edo faxen bitartez.

Hautatutako filmeak Bera, Doneztebe, Elizondo eta Hendaian  emango dira abuztuaren 23etik irailaren 2ra, biak barne. Filme irabazleen zatiak irailaren 3an eginen den sari banaketan eskeiniko dira.

Kopien segurua eta garraio gastuak igortzen den tokitik Bertizko Partzuergoraino eta itzulera, izena ematen duenaren kargu izanen dira.

Filmeak antolakuntzaren esku dauden bitartean, kopien seguruaren kargu eginen da, baina EZ ditu bere gain hartuko garraioan izan ditzaketen kalteak.

Ondorengo helbidera bidali beharko dira:

BIDASOAKO FILME LABURREN ZINEMALDIA

" BERTIZKO TURISMO PARTZUERGOA"

Bertizko Turismo Zentroa

31720  Oieregi -Bertizarana (Nafarroa)

Tfnoa: 948 59 23 23 / Fax: 948 59 22 75

e-mail: consorciobertiz@cin.es

Lehiaketa amaitutakoan, filmeak izen emateko orrian agertzen den helbidera itzuliko dira. Erreklamazioak egiteko epea, gehienez hilabete batekoa izanen da itzuli zenetik.

7.- EPAIMAHAIA ETA SARIAK

Epaimahaia Zinemaldiko Batzorde ejekutiboak izendatuko du eta zine munduko profesional ospetsuez osatua egonen da. Beraien erabaki apelaezina, lehiaketari bukaera emango dion sari banaketan  aditzera emanen da. Epaimahaiko kideek, ezingo dituzte beraien erabakiak aipatu, sarien banaketa amaitu arte.

Hurrengo hauek dira sari ofizialak:

LEHENENGO SARIA: FILME LABUR HOBERENARI. 

Urrezko iratzea eta 3.000 € 

BIGARREN SARIA.

Zilarrezko iratzea eta 1.500 €

SARI BEREZIAK

* Brontzezko iratzea eta 1.000 €. Sari hau gai naturalistikoak,  ekologikoak, etnografikoak, ingurugirokoak edota paisajistikoak  hobekien jorratzen dituen filmeari emango zaio.

* Brontzezko iratzea eta 1.000 €. Bake eta giza baloreak modurik hoberenean lantzen  dituen filmearentzat.

* Brontzezko iratzea eta 1.000 €  Aquitania, Euskal Autonomi Erkidego edo Nafarroako egile batek eginiko filmerik hoberenarentzat.

* Brontzezko iratzea eta 1.000 € Aktore edo aktoresa onenarentzat.

* Ikuslegoaren Sari Berezia, sari ekonomikorik gabea.

* Argazki Sari Berezia, sari ekonomikorik gabea.

Epaimahaiaren erabakia apelaezina izango da eta sariak zatitzea erabakitzen ahal du. Epaimahaiak saririk gabeko aipamen bereziak eman ditzake, eta sari bereziak irabazalerik gabe utzi.

Sariak filmeen zuzendari/egileei zuzenduko dira, aktore edo aktoresa irabazleari emango zaiona izan ezik.

8.-ARTXIBOA

Saritutako filme laburren egileek, Bertizko Turismo Partzuergori filmearen kopia bat eman beharko diote.

9.-OINARRIAK

Bidasoako Filme Laburren Zinemaldian izena emateak edo partehartzeak oinarri guziak onartzea dakar.

Zinemaldiko batzorde ejekutiboak bere irizpideen arabera eta modu apelaezinean erabakiko du araudi honetan agertzen ez den edozein gai.

Araudi hau euskera, gaztelera, frantsesa eta ingelesan argitaratu da. Ulermen arazoak izanez gero, gaztelera nahiz euskerazko araudiak erreferentzi gisa hartu daitezke.