Urrezko Iratzea eta 1.000.000 pezetako saria (6.010,12 euro), Manuel Martinek zuzendutako “Nadie (un cuento de invierno” filmeari, Oasis Pc  produkzio etxearena. Gidoia Manuel Martín eta Alejandro Hernandezena da, eta aktoreak, Joaquín Notario, Angela Herrera eta Ana Otero.
Oso filme borobila da kontazeko daukan moduarengatik, hasiera eta bukaerak onak dira, eta aktoreak oso ongi zuzendu dituzte, indarra aunitzeko pertsonaiak lortuz. Historioa, nahiz eta egunerokoa izan, oso gogorra da, eta zenbait pertsonak bizi duten egoera larria erakusten digu, gizartean sartu nahi direnean.

Zilarrezko Iratzea eta  300.000 pezetako saria (1.
803,04 euro), “O me quieres o me mato” filmeari eman zitzaion.
Historia dibertigarria da, nahiz eta argumentua zorigaitzekoa izan. Aktoresa nagusiaren lana azpimarratzekoa da. Filme honen zuznedaritza eta gidoia, Juan Carlos Falconek eraman du, Mariola Fuentes da aktoresa nagusia, Luisa Ezquerra, Miguel Mota eta Paloma Monterorekin. El Paso PC produkzio etxearena da. 

Brontzezko Iratzea eta 250.000 pezetako saria,  Lola Dueñasentzat, “El equipaje abierto” filmean egiten duen lanarengatik. Filmearen zuzendaria, Javier Rebollo izandu da, eta Chete Lara daukagu bertze paper nagusian. Gidoia, Javier Rebollo eta Lola Mayorena da, eta Lolita Films produkzio etxearen eskutik da filme hau.

Brontzezko Iratzea eta 250.000 pezetako saria (1.803,04 euro), Oskar Santos santurtziarrak zuzendutako “Torre”k eraman du. Norber Films produkzio etxe bilbotarrarena. Gidoia, Javier Donate eta Oskar Santosena. Aktore nagusiak, Chete Lera, Sonia Almarcha eta Pepo Oliva.
Oso ongi egina dagoen filmea da, produkzio ezinhobearekin. Denari gertatzen ahal zaigun beldur psikologikoari buruz datza, arrazoirik gabe gertatzen dena, bainan ondorio larriak edukitzen ahal duena.

Brontzezko Iratzea eta 250.000 pezetako saria (1.502,53 euros), “Los Almendros-Plaza Nueva” filmearentzat izandu zen. Alvaro Alonsok zuzendua, Encarnación Iglesiasen gidoiarekin. Musika “Niño Josele”ren eskutik. Aktore nagusi bezala Miguel Zurita, José Santiago, Dolores Ortega,… Sevillako Producciones Letra M produkzio etxearena.
Filme honeri eman zaio saria, bidai berean egoten ahal den integrazioa adieraten duelako, bizitzako edozein egoeran egoten ahal den integrazioa, arraza guztien berdintasuna, elkarrekin ongi eramatea badagoela. Gidariaren papera ere garrantzitsua da, ez duelakoz soilik zerbitzu bat ematen, lagunak ere egiten ditu eta. Horrela izan beharko zen askotan.

Brontzezko Iratzea eta 250.000 pezetako saria (1.502,53 euros), Jose eta Manuel Lagaresek zuzendutako animaziozko “Los girasoles” filmerentzat, Girasol Line Films produkzio etxearena. Epaimahaiak horrela, animaziozko filmeak egiten dituztenen lana azpimarratu nahi du, lehiaketa honetan animaziozko filmeak oso ongi ordezkatuak egon baitira.